Analisti Nexhmedin Spahiu i kërkon Albin Kurtit që t’i besojë Amerikës

Mund të tingëllojë e çuditshme por është e vërtetë: kryeministri i Kosovës po lutet nga opinioni i gjerë kosovar e shqiptar që t’i besojë Shteteve të Bashkuara të Amerikës [ShBA-ve].

Pavarësisht që ShBA-të kishin rolin kryesor në çlirimin e Kosovës nga regjimi komunist serb dhe pavarësisht që me presionin e tyre Kosova shpalli pavarësinë dhe mori ndihmë të madhe diplomatike e financiare – kryeministri i Kosovës vazhdon të jetë hezitues për t’i besuar.

Së fundi, publicisti mitrovicas Nexhmedin Spahiu ka dhënë një deklaratë në profilin e tij në Facebook, e në të cilën i bën thirrje Kurtit që të heqë frikën dhe që t’i besojë Shteteve të Bashkuara të Amerikës, shkruan Periskopi.

“O Albin mos ke frikë,

Ki besim në Amerikë.

P.S. Albin Kurti është shumë trim kur është në pyetje jeta e tij personale, por ai duhet të tregojë trimëri edhe si burrë shteti kur bëhet fjalë për fatin e kombit.” – thotë z.Spahiu.

Por, çka e parapriu një deklaratë të tillë?

Albin Kurti ka shkruar së fundi një opinion në shtypin gjerman e në të cilin thotë se nuk është i pëlqyeshëm një nënshkrim i marrëveshjes nga kërcënime e detyrime.

Kjo gjë e ka gëzuar presidentin e Serbisë, Aleksandër Vuçiqin, i cili ka thënë se deklaratën e Kurtit do ta përsëris kudo duke qenë se e njëjta mund të aplikohet për kërcënimet e detyrimet amerikane që kishte marrë Serbia, e nga të cilat Kosova ishte çliruar e pavarësuar. /Periskopi