Ish-kryetari i komunës së Ferizaj nga radhët e PDK’së Agim Aliu, ka reaguar në lidhje me anulimin e projektit i cili i ishte dhënë kompanisë Bechtel Enka.
Aliu thotë se askush nuk do të jetë më i dëmtuar se ferizajasit e bizneset e tyre nga vendimi i sotëm i qeverisë për të anuluar kyçjen në autostradën “Arbën Xhaferi”.
Sipas Aliut kjo gjë është pa analizë të mirëfilltë dhe e nxituar, mbetja në fuqi e këtij vendimi që përmbys disa vendime aprovuese paraprake të Qeverisë për këtë projekt, ka shkruar ai në Facebook.
Ja statusi i plotë”
Askush më të dëmtuar se ferizajasit e bizneset e tyre nuk do të jetë nga vendimi i sotëm i qeverisë për të anuluar kyçjen në autostradën “Arbën Xhaferi”.
I nxituar e pa analizë të mirëfilltë, mbetja në fuqi e këtij vendimi që përmbysi disa vendime aprovuese paraprake të Qeverisë për këtë projekt, vështirëson të bërit biznes e qarkullimin e lehtë të qytetarëve të gjithë Regjionit të Ferizajt.
Qeveria aktuale i detyrohet ferizajasve që të gjej rrugën e financimit për këtë projekt sipas vendimeve paraprake të përligjura nga Komisioni Ndërministror në Qeverinë Mustafa dhe vendimit të Qeverisë Haradinaj. Lidhja në këtë arterie rrugore për Ferizajn është e natyrshme e kërkesë e pakundërshtueshme e bizneseve e qytetarëve.
