Kosovë
Albin Kurti “i pafuqishëm” përballë AKI-së
Ky vendim ishte vlerësuar si antikushtetues ndërsa Lëvizja Vetëvendosje si partia fituese e zgjedhjeve në Kosovë e kishte quajtur “pazar të PAN-it të vjetër”.
Ndërsa pas marrjes së pushtetit, pavarësisht dhjetëra shkarkimeve që ka bërë Qeveria Kurti ende nuk e ka futur në rend dite shkarkimet e mundshme në AKI.
Ndërsa, shefi i Grupit Parlamentarë të Lëvizjes Vetëvendosje, Rexhep Selimi ka thënë se të njëjtën shqetësim e kanë edhe sot.
Selimi në një prononcim dhënë për arbresh.info ka thënë se do të veprojnë në përputhje me kompetencat.
“Të njëjtin shqetësim e kemi edhe sot, por tash Qeveria do ta shohë me kujdes të gjithë procedurën dhe do të veproj në përputhje me kompetencat e saj. Në këtë rast nëse ka rol edhe Kuvendi po ashtu do të veproj. Tash kemi kohë të shohim nga afër të gjithë problematikën”, ka thënë ai.
E i pari i deputetëve të VV-së ka thënë se këtë herë do të respektohen kriteret e përzgjedhjes.
“Kriteret janë të përcaktuara dhe besoj se do të respektohen të gjitha kriteret, tek e fundit ne po diskutojmë tash për mosrespektim të kritereve të mëhershme e nuk duhet të bëjmë në të njëjtën gjë”, ka përfunduar Selimi.
Ndryshe kujtojmë që në fundin e muajit nëntor të 2019-es kur ishin bërë pothuajse 20 ditë nga dorëheqja e Shpend Maxhunit nga posti i drejtorit të Agjencisë Kosovare të Inteligjencës, kryeministri i atëhershëm e kishte bërë publik lajmin e pasuesit të Maxhunit.
“Në bazë të kompetencave kushtetuese dhe ligjore dhe në bashkërendim me Presidentin, sot kam emëruar, Kreshnik Gashi, në postin e Drejtorit të Agjencisë së Kosovës për Inteligjencë, ndërsa Burim Ramadanin në postin e Inspektorit të Përgjithshëm të AKI-së. Profilet e të emëruarve, si figura publike me integritet dhe ekspertë për siguri, garantojnë profesionalizmin dhe kredibilitetin e AKI-së”, kishte njoftuar Haradinaj.
Ndërsa në reagimin e Lëvizjes Vetëvendosje thuhej se Haradinaj nuk kishte kompetenca për emërime të tilla gjatë kohës kur ishte në largim.
“Emërimet antikushtetuese në AKI – pazar i PAN-it të vjetër. Sot u njoftuam nga mediet për pazarin e ri të Thaçit e Haradinajt në kurriz të shtetit. Sa më shumë afrohet dita e largimit të PAN-it nga pushteti, aq më shumë po dalin në pah fijet që i mbajnë lidhur. Thaçi e mori drejtorin e AKI-së e Haradinaj e mori kryeinspektorin. Propozimi nga Haradinaj dhe dekretimi nga Thaçi për të dy këto pozicione është përveç të tjerave dhe antikushtetues”, thuhej në reagimin e VV-së.
Mickoski: Qytetarët maqedonas e dinë ku përkasin – NATO, SHBA dhe BE janë një orientim gjeopolitik
Aksident i rëndë në Fushë-Krujë, një i vdekur dhe 2 të plagosur nga përplasja e tre automjeteve! Policia në vendngjarje, shkak dyshohet….
Sherifi i drejtohet VV-së për Specialen: Një betejë nuk fitohet duke dëshmuar se ke pasur të drejtë para se të fillonte
Grupi nga Likova dhe Kosova bie në pranga për 10 vjedhje të rënda në Tetovë, grabitën kasafortë me ari dhe armë prej 160 mijë eurosh!
“Mos hajde më në Shqipëri”- Avokati Idajet Beqiri: SPAK i dha mesazh ish-drejtoreshës së SHISH! Ende nuk ka zbuluar informacionet pse e mori masën
Rama në OKB/ Mban fjalim për ministren e parë me AI dhe protestat në Tiranë
Arrestohet në Kosovë i dyshuari i parë për vrasjen në Duqanxhik
“Tre-katër sorra që shfaqen kudo”- Sulmi me vezë i protestuesve ndaj Ramës, Balla: Emrat e tyre lidhen me histori shtëpish bari, u bëjnë hyzmet atyre që i paguajnë
LAJMI I FUNDIT: Arrestohet në Kosovë i dyshuari i parë për vrasjen në Duqanxhik
Krejt Kosova UÇK – Në qytete të ndryshme protestohet njëkohësisht kundër verdiktit të Speciales
Gjyqtarët kushtetues nga 1 tetori do të marrin paga më të larta
