500 milionë dollarë humbje nëse sezoni i NBA anulohet

Përhapja e madhe e koronavirusit edhe në ShBA, ka shtyrë krerët e NBA që të suspendojnë ligën për disa kohë.

Por, situata mund të bëhet edhe më serioze, duke bërë që kampionati të anulohet në tërësi.

Në një skenar të tillë, humbjet për ligën më të fortë të basketbollit në botë do të ishin shumë të mëdha.

Sipas ‘Real GM’, NBA do të kishte humbje deri në 500 milionë dollarë, nëse sezoni merr fund, transmeton lajmi.net.

Këto humbje do të vinin nga rimbursimi dhe mos shitja e biletave.

NBA fiton rreth 1.2 milionë në ndeshje të sezonit të rregullt dhe rreth 2 milionë dollarë për ndeshje të ‘Play Off’. /Lajmi.net/