Connect with us

Sport

ZYRTARE: Visar Bekaj rinovon kontratën me Prishtinën

Publikuar

me

Prishtina dhe Visar Bekaj kanë arritur të dakordohen për të vazhduar aventurën e tyre.

Portieri kosovar ka vënë firmën e tij mbi kontratën e re, e cila do të jetë e vlefshme deri në verën e vitit 2021.

Pas nënshkrimit të kontratës, Bekaj ka thënë disa fjalë duke u shprehur i lumtur për rinovimin.

“Ndonëse kisha disa oferta për transferim jashtë vendit gjatë afatit kalimtar që lamë pas, në marrëveshje me kryesinë, vendosa të qëndroj edhe një sezon pranë klubit të zemrës!”, ka thënë pas vazhdimit të kontratës portieri i Kombëtares së Kosovës ku ka regjistruar dy paraqitje me ekipin “A” dhe tetë paraqitje me ekipin U21.

“Me gjasë nuk do të ik dot pa titullin kampion!”, është i bindur Bekaj, i cili hyn në vitin e 6-të me fanellën bardhekaltër ku ka regjistruar 148 paraqitje.

“Jam i bindur se bashkë me Prishtinën, objektivat për titull dhe Evropë do t’i prekim në fund të sezonit”, ka përfunduar gardiani bardhekaltër.

Bekaj së fundmi është vëzhguar edhe nga gjiganti turk, Besiktas, por duket se planifikon qëndrimin në kryeqytetin e Kosovës. /Lajmi.net/

SHPËRNDAJE ME MIQ!
Advertisement

MË TË LEXUARAT

Portali Zyrtare u themelua nga një grup gazetarësh të rinjë në vitin 2018. Të motivuar nga nevoja për lajme të shpejta dhe të vërteta, në Maqedoni, ndër shqiptarë dhe për shqiptarët – Zyrtare nuk ishte veçse një kërkesë e kohës. Kontakt e-mail: portali.zyrtare@gmail.com Shared By Fancy Text Generator

WP2Social Auto Publish Powered By : XYZScripts.com