ZYRTARE: Feronikeli shkarkon Albert Bunjakun dhe trajnerin Agim Sopi

Pas ndeshjes së sotme, Feronikeli ka vendosur të ndajë rrugët me këshilltarin e klubit, Albert Bunjaku, si dhe me trajnerin Agim Sopi.

Gjithë kjo është arritur me marrëveshje të dyanshme, pas një takimi mes bordit drejtues dhe dyshes Bunjaku-Sopi.

Më poshtë lajmi.net ua përcjell komunikatën e plotë të lëshuar nga faqja zyrtare e Feronikelit.

Pas ndeshjes së sotme, drejtues të KF Feronikelit kanë mbajtur takim me këshilltarin e presidentit z. Albert Bunjaku dhe trajnerin e klubit të Feronikelit, z. Agim Sopi.

Me një marrëveshje të dyanshme dhe pas një takimi krejtësisht miqësor, u vendos që të ndahen rrugët mes dyshes Bunjaku dhe Sopi, me klubin e Feronikelit.

Klubi i futbollit Feronikeli, i uron shumë suksese z. Bunjakut dhe z. Sopi në hapat e tyre të mëtutjeshëm dhe i falënderon për korrektësinë dhe profesionalizmin e treguar gjatë kohës sa ishin në klub.

Për detaje të reja, do të njoftojmë me kohë opinionin. /Lajmi.net/