Ylli i Man Utd iu përgjigjet komenteve negative të fansave

Mesfushori nuk po gjen shumë hapësira me Manchester United këtë sezon, pas formës jo të mirë që po kalon në ‘Old Trafford’.

Lojtari ka më shumë se nëntë vite te Djajtë e Kuq, që prejse erdhi si adoleshent, por asnjëherë nuk ka arritur t’i përmbushte pritshmëritë që fansat kishin për të.

Pas një postimi në faqën e tij zyrtare në Facebook, ku shihet duke u përgatitur për ndeshjen që skuadra e tij e luan kundër Club Brugge në Ligën e Europës, pason edhe një koment nga një fans ku i drejtohen “Gjej një tjetër skuadër”, i cili mori shumë pëlqime.

Nuk vonoi as reagimi i belgut i cili iu përgjigj se nuk e ka ndërmend të shkojë askund dhe se do të luftojë për një vend titullari në formacion.

“Do të qëndroj dhe do të luftoj për vendin tim. Vendi im është Manchester United”, replikoi 24-vjeçari, transmeton lajmi.net.

Gjatë këtij sezoni në Old Trafford nën urdhërat e Ole Gunnar Solskjaer futbollisti ka arritur me vetëm një gol dhe tre asistime në 23 ndeshjet e tij në Premierligë.

Kujtojmë se ai së bashku me Jesse Lingard nuk ishin fare të ftuar në ndeshjen e fundjavës që lame pas kundër Watfordit e cila u fitua me rezultat 3:0 nga ish-kampioni anglez. /Lajmi.net/