Connect with us

Lajme

Thaçi për Maqedoninë në NATO: Të gjithë kontribuan, por kontribuesi kryesor është Zaevi

Publikuar

me

Kryetari i PDSH-së, Menduh Thaçi sot në seancën e rradhës të Kuvendit të Republikës së Maqedonisë së Veriut me rastin e ratifikimit të Propozim-ligjit të Marrëveshjes Veriatlantike morri fjalën duke uruar të gjithë qytetarët e vendit për këtë hap historik të Republikës së Maqedonisë së Veriut.

“Sigurisht se të gjithë kanë dhënë kontributin e vet, megjithatë, kontributin kryesor e ka dhënë kryeministri i mëhershëm z. Zoran Zaev i cili vazhdimisht dhe me guxim e shtynte procesin përpara. Dhe, këtu nuk duhet të ketë asnjë dilemë sepse përderisa kemi ndonjë dilemë atëherë do të fillojmë që t’i matim kontributet se kush më 26 kush me 27 ka dhënë më shumë kontribut. Kush me kënd ka qenë në koalicion që pastaj të vijë në pushtet, kush ka humbur më shumë vota, kush ka humbur rejting, kush ka fituar rejting. Z. Zaev ju duhet të jeni i qetë me ndërgjegjen tuaj për shkak se ky veprim nuk është vetëm veprim për marketing, por është veprim që definitivisht ndalon që shteti ynë si shtetet tjera në Ballkan ta paguajmë tranzicionin me gjak, me masakër dhe me konflikte të jashtzakonshme”, theksoi Thaçi. Ai tha vendi akoma duhet bërë shumë dhe apeloi te të gjithë bashkëqytetarët maqedonas të cilët janë të vetëdijshem se shqiptarët, veçanërisht forcat relevante politike të shqiptarëve, asnjëherë nuk e kanë kundërshtuar identitetin dhe gjuhën maqedonase. “Apeloj pas këtij akti të rëndësishëm historik të guxojnë bashkë të ecim përpara dhe ta ndërrojmë kuptimin për shqiptarët që për mua është nënvlerësues.Ky nocion do të duhet të ndërrohet në aktet normative, populli shqiptar dhe gjuha shqipe.”, theksoi kreu i PDSH-së. (INA)

SHPËRNDAJE ME MIQ!
Advertisement

MË TË LEXUARAT

Portali Zyrtare u themelua nga një grup gazetarësh të rinjë në vitin 2018. Të motivuar nga nevoja për lajme të shpejta dhe të vërteta, në Maqedoni, ndër shqiptarë dhe për shqiptarët – Zyrtare nuk ishte veçse një kërkesë e kohës. Kontakt e-mail: portali.zyrtare@gmail.com Shared By Fancy Text Generator

WP2Social Auto Publish Powered By : XYZScripts.com