Thaçi dekoron 3 dëshmorët e familjes Halilaj

Presidenti i Republikës së Kosovës, sot ka dekoruar dëshmorët e familjes Halilaj nga Tërdevci i Drenasit, të cilët ranë gjatë luftës së UÇK-së.

Përmes një postimi në Facebook, Presidenti njofton se ka dekoruar dëshmoret Daut, Besim e Alban Halilaj.

“Me urdhrin “Hero i Kosovës”, sot e dekorova dëshmorin Daut Halilaj. Ndërsa, me urdhrin “Luftëtar i Lirisë – Adem Jashari”, dëshmorët Besim dhe Alban Halilaj.

Familja Halilaj nga Tërdevci i Drenasit ishte bazë e fortë e Ushtrisë Çlirimtare të Kosovës”, ka shkruar presidenti Thaçi./Periskopi/