Connect with us

Kosovë

Ruçi: Qeveria e Kurtit do t’iu bëjë ballë sfidave që e presin Kosovën

Publikuar

me

Kryetari i Kuvendit të Shqipërisë, Gramoz Ruçi, ka pritur në takim kryeministrin e Kosovës, Albin Kurti, i cili po zhvillon një vizitë zyrtare në Tiranë.

Ruçi duke e uruar Kurtin për postin e ri tha se beson që nën udhëheqjen e tij Qeveria e Kosovës do t’iu bëjë ballë sfidave të reja.

“Nën lidershipin tuaj, Qeveria e Kosovës do t’i përballojë me sukses sfidat e vështira të zhvillimit, integrimit dhe fuqizimit të rolit e kontributit të Kosovës si një faktor paqeje, sigurie e stabiliteti në rajon. Sakrificat tuaja si politikan konsekuent janë një garanci për realizimin e këtij misioni dhe vënien në jetë të programit ambicioz qeverisës”.

Ruçi tha se Kuvendi i Shqipërisë do të jetë si gjithmonë në mbështetje të bashkëpunimit midis të dy vendeve dhe do të nxisë edhe më tej bashkëpunimin ndërqeveritar.

Ndërkaq, Kurti falënderoi Ruçin për mbështetjen e vazhdueshme të Kuvendit dhe të tijën personale ndaj bashkëpunimit Kosovë-Shqipëri dhe vuri në dukje se ky bashkëpunim do të forcohet edhe më tej.

“Ne do të bashkëpunojmë me Qeverinë e Shqipërisë për lehtësimin e procedurave për zbatimin e marrëveshjeve të nënshkruara midis të dy vendeve, nënshkrimin e marrëveshjeve të reja si edhe lehtësimin e qarkullimit të mallrave e shërbimeve midis Shqipërisë dhe Kosovës”.

SHPËRNDAJE ME MIQ!
Advertisement

MË TË LEXUARAT

Portali Zyrtare u themelua nga një grup gazetarësh të rinjë në vitin 2018. Të motivuar nga nevoja për lajme të shpejta dhe të vërteta, në Maqedoni, ndër shqiptarë dhe për shqiptarët – Zyrtare nuk ishte veçse një kërkesë e kohës. Kontakt e-mail: portali.zyrtare@gmail.com Shared By Fancy Text Generator

WP2Social Auto Publish Powered By : XYZScripts.com