Kurti: Do të ulem me Thaçin për të folur për politikën e jashtme

Kryeministri Albin Kurti sonte në Rubikon ka ngritur nevojën që të takohet edhe një herë me presidentin Hashim Thaçi dhe të flasin për politikë të jashtme, transmeton Periskopi.

Kurti ka thënë se do ta ftojë në takim presidentin, e që sipas tij do të zgjaste më shumë se herën e kaluar.

‘’Thaçi duhet të jetë pjesë e procesit sepse është president. Unë nuk dua që ai të përjashtohet por nuk mund të udhëheqë procesin dhe të bëjë politikën e jashtme. Besoj që Kosova ka nevojë për një diskutim midis meje dhe presidentit për politiikën e jashtme. Pa dyshim jam i gatshëm. Është i nevojshëm një takim i tillë. Do të jetë me siguri më i gjatë se katër minuta’, tha Kurti.

‘’Do t’i bëj ftesë për takim në mënyrë që të dakordohemi  dhe harmonizohemi për gjitha konferencat  e tyrezat ndërkombëtare. Duhet të jetë një zë i unifikuar’’/PERISKOPI/