Kupa e Mbretit: Bilbao shokon Barcelonën, i jep eliminimin në minutat e fundit

Pasi e mposhti fillimisht në La Liga, Bilbao edhe sonte i dha një dush të ftohtë katalanëve, duke e mposhtur me rezultatin minimal, 1:0, shkruan lajmi.net.

Me gjithë rastet që pati gjatë kësaj ndeshje Barcelona, ata nuk arritën të gjejnë rrugën e golit.

Kjo gjë iu kthye bumerang në minutën e fundit të ndeshjes, kur Inaki Williams shënoi golin e fitores për baskët.

Më herët gjatë kësaj mbrëmje nga Kupa e Mbretit u eliminua edhe Real Madrid, duke bërë që dy gjigantët të eliminohen nga gara më herët sesa është pritur.