Koronavirusi anulon ndeshjet e Serisë A

Ndeshjet që duhej të luhen sot në Serie A, janë shtyrë si pasojë e frikës së madhe nga Koronavirusi.

Coronavirusi është përhapur edhe në Itali, ku deri më tani ka regjistruar dy viktima, kurse në total janë shënuar 79 raste të prekura me këtë virus.

Si pasojë, kryeministri i Italisë, Conte, ka vendosur që në këtë rast të paprecedent të suspendojë të gjitha evenimentet sportive në Lombardi dhe Veneto, regjione ku Coronavirusi është përhapur.

Kështu, ndeshjet Verona – Cagliari dhe Atalanta – Sassuolo dhe Inter – Sampdoria do të anulohen.