Komisioni Evropian jep lajme të mira: Ky është propozimin e ri për anëtarësimin e Ballkanit Perëndimor në BE

Sot Komisioni Evropian ka shpalosur propozimin për të çuar përpara procesin e zgjerimit të BE-së, duke e bërë atë më të besueshëm, më dinamik e më të parashikueshëm.

Duket se përfaqësuesit e rinj në BE janë të ndërgjegjshëm se kanë shkaktuar krizë të madhe besimi në elitat politike dhe në qytetarët e vendeve të Ballkanit Perëndimor që u zhgënjyen përsëritshëm gjatë gjithë dekadës së kaluar.

Së fundi, Shqipërisë dhe Maqedonisë së Veriut nuk iu hapën negociatat zyrtare për hyrjen në BE, ndërkohë që Kosova vazhdon të mbetet e izoluar si të ishte e prekur masivisht nga ndonjë sëmundje infektive si koronavirusi, shkruan Periskopi.

Komisionieri për Fqinjësi dhe Zgjerim, Oliver Varhelyi, deklaroi: “Zgjerimi i Bashkimit Evropian me Ballkanin Perëndimor është prioritet kryesor për Komisionin. Po punojmë në tri rrugë: E para, sot ne propozojmë hapa konkretë se si të zgjerojmë procesin e hyrjes në BE. Ndërsa po forcojmë dhe improvizojmë procesin, qëllimi mbetet hyrja dhe anëtarësia e plotë në BE. E dyta, dhe paralelisht, Komisioni i përmbahet qëndrimeve të saj se rekomandon hapjen e negociatave për anëtarësim për Maqedoninë e Veriut dhe Shqipërinë.”

Po ashtu, Varhelyi tha se në samitin që pritet të mbahet në maj, komisioni do të ofrojë një plan konkret për zhvillim ekonomik dhe investimesh për rajonin tonë.

Sidoqoftë, natyrisht se edhe ky propozim nuk pritet të ketë kurrfarë rëndësie për Kosovën dhe vendet e tjera të Ballkanit Perëndimor që vazhdojnë të trajtohen padrejtësisht nga shtetet më të mëdha evropiane.

Më poshtë e keni të plotë propozimin e plotë nga Komisioni Evropian. /Periskopi