Irving do të kthehet në parket në ndeshjen e fundit para ‘All-Star’

Brooklyn Nets kanë qenë pa shërbimet e Kyrie në tri ndeshje e fundit, dhe ai nuk do të jetë i gatshëm për lojë as të hënën, në ndeshjen që Nets e luajnë kundër Indiana Pacers.

Lojtari kishte probleme në gjurin e djathtë, gjë që ia pamundësoi paraqitjen në parket, por duket se ai do të kthehet gjatë kësaj jave.

Irving pritet të kthehet në ndeshjen e së mërkurës, të cilën Nets e luajnë kundër Toronto Raptors, transmeton lajmi.net.

Kjo ndeshje do të jetë e fundit për Nets, para spektaklit të madh të ‘All-Star’.

Mbetet të shihet nëse trajneri i Brooklyn Nets do të rrezikojë duke i dhënë minuta Irving kundër Toronto, ose nëse ai do të pres për përfundimin e vikendit të ‘All-Star’. /Lajmi.net/