Golden Eagle Ylli eliminon KB Prishtinën, prek gjysmëfinalen e kupës

Para 2600 tifozëve në palestrën ‘Mizahir Isma’, skuadra nga Suhareka, Golden Eagle Ylli, ka mposhtur KB Prishtinën me rezultat 69:64, për të kaluar në gjysmëfinale të Kupës së Kosovës për sezonin 2019/2020.

Kjo sfidë çerekfinale, në pjesën më të madhe të kohës ka qenë e barabartë, me Yllin që u këndell në pjesën e dytë të ndeshjes, për të arritur këtë fitore të madhe.

Kryeqytetasit fituan çerekun e parë me rezultat 17:16, ndërsa e rritën eprësinë në çerekun e dytë, të cilin e fituan 19:14.

Përmbysja erdhi në çerekun e tretë dhe katërt, të cilët i fitoi KB Ylli me rezultatet 18:24 dhe 10:15.

Skuadrat gjysmëfinalistet për këtë sezon janë KB Rahoveci, KB Peja, KB Bashkimi dhe Golden Eagle Ylli./Lajmi.net/