Famëkeqi i ekstremit të djathtë Viktor Orban uron Kurtin për detyrën e kryeministrit

Viktor Orban, kryeministri famëkeq hungarez ka uruar sot kryeministrin e Kosovës Albin Kurtin për detyrën e re duke u bërë ndër të parët që e bën një gjë të tillë.

Sipas komunikatës për media nga zyra e kryeministrit Kurti, famëkeqi i ekstremit të djathtë Viktor Orban i ka uruar atij edhe shënimin e Ditës së Pavarësisë së Kosovës duke theksuar që Hungaria mbetet e përkushtuar për t’i mbështetur përpjekjet e Ballkanit Perëndimor që synojnë integrimin e rajonit në institucionet evropiane, përcjell Periskopi.

Më poshtë thuhet edhe se Hungaria do të vazhdojë punën për të thelluar marrëdhëniet bilaterale me benefite reciproke në tregti, investime dhe arsim.

Orban është një ndër liderët më famëkeq në botë aktualisht me një reputacion të tmerrshëm shkaku i vlerave konservatore ksenofobike, qëndrimeve anti-emigrantëve dhe anti-politikave progresive e po ashtu edhe shkaku i islamofobisë.

Orban ishte dënuar ashpër disa herë nga liderët e BE-së për politikat dhe retorikën e tij të tmerrshme./Periskopi