F1: Bosi i Mercedes flet për të ardhmen e Hamilton, tregon gjasat për rinovimin

Gjashtë herë kampioni i botës ka kontratë të vlefshme me Mercedes deri në vitin 2020, dhe deri më tani nuk ka marrë ndonjë vendim për të ardhmen.

Lidhur me situatën e pilotit më të mirë aktualisht në Formula 1 ka folur edhe bosi i Mercedes, Toto Wolff, i cili ka shprehur besimin se britaniku do të qëndrojë me Mercedes.

“Ne do të donim të kemi njeriun më të shpejtë në veturë dhe unë e di se Lewis dëshiron të jetë me makinën më të shpejtë” ka thënë Wolff, transmeton lajmi.net.

“Ne udhëtojmë rreth botës 10 muaj secilin vit, por gjatë dimrit ne japim paqe për njëri tjetrin dhe biseda e fundit që kisha me të ishte në festën e Krishtlindjes” ka shtuar bosi i Mercedes.

“Kam besim të madh në aftësitë e skuadrës për të tërhequr garuesit më të mirë dhe Lewis ka provuar se është më i miri” ishin fjalët e Wolf.

Mbetet të shihet pas kampionatit të 2020-ës nëse Hamilton do të vë firmën e tij mbi kontratën e re me gjigantin Mercedes. /Lajmi.net/