Bernardo Silva nis flirtin me Barcelonën: Do të doja të luaja me Messin

Emri i Bernardo Silva po lidhet me një kalim të mundshëm në ‘Camp Nou’ tash e disa ditë, pas dënimit të UEFA për Manchester City.

Ylli portugez pëlqehet nga drejtuesit e Barcës, por, edhe fjalët e fundit të vet lojtarit kanë nxitur edhe më shumë spekulimet.

“Do të doja të luaja me Messin dhe të kem mundësinë që të them se kam luajtur me dy lojtarët më të mirë në botë (Cristiano Ronaldo/Portugali dhe Lionel Messi).

“Por, kjo është një çështje e komplikuar” ka shtuar lojtari i Man City.

Mbetet të shihet nëse gjatë verës skuadra nga ‘Camp Nou’ do të bëjë ndonjë lëvizje drejt fantazistit portugez. /Lajmi.net/