Batatina thotë se çdo minutë qëndrimi i të dënuarit Agim Ademi në FFK e dëmton rëndë futbollin kosovar

Pas konfirmimit të dënimit për kreun e FFK-së, Agim Ademit, nga Gjykata e Apelit me nëntë muaj burgim efektiv për dy vepra kriminale, ka reaguar edhe drejtori i Llapit, Tahir Batatina.

Batatina ka deklaruar në Facebookun e tij se “futbolli ynë nuk guxon të sanksionohet për shkak të veprave kriminale të askujt.”

Më tej, ai ka deklaruar se “askush nuk ka të drejtë të shkatërroj punën e madhe të Legjendës Fadil Vokrri.” duke iu referuar konfirmimit të dënimit ndaj z.Ademi me nëntë muaj burgim efektiv.

“Çdo minutë i qëndrimit të Agim Ademit në FFK e dëmton rëndë reputacionin e futbollit tonë.” – shton z.Batatina, shkruan Periskopi.

Ndryshe, z.Batatina ka qenë një kritik i ashpër i presidentit të FFK-së, madje duke ia përmendur hapur edhe të gjithë emrat që i kishte punësuar e më pas që i kishte thirrur për ta votuar atë në kuvendin e fundit që u mbajt në Hotel Emerald nën masa të rrepta sigurie.

Më poshtë e keni statusin e plotë të tij në Facebook:

Futbolli ynë nuk guxon të sanksionohet për shkak të veprave kriminale të askujt.

Askush nuk ka të drejtë të shkatërroj punën e madhe të Legjendës Fadil Vokrri.

Për veprat kriminale të vërtetuara në dy instanca gjyqësore nuk duhet të penalizohet futbolli ynë.

Çdo minutë i qëndrimit të Agim Ademit në FFK e dëmton rëndë reputacionin e futbollit tonë.

Delegatët e FFK-së duhet të mendojnë mirë se kënd do ta votojnë për Kryetar të FFK-së.

T.B