Barcelona me fat, Lenglet duhej të përjashtohej me karton të kuq në minutat e para

Betisit iu dha një penallti në minutën e pestë në ‘Benito Villamarín’ pas gjuajtjes së Nabil Fekir që goditi krahun e Lenglet brenda zonës, me Sergio Canales që konvertoi në gol 11-metërshin.

Lenglet iu dha kartoni i verdhë për prekjen me dorë, por Iturralde González beson se francezit duhet t’i ishte dhënë një dënim më i ashpër. “Është një karton i kuq”, tha ish zyrtari i FIFA-s për AS, transmeton lajmi.net.

“Është një mundësi e qartë për të shënuar gol”, shpjegoi Gonzalez. “Ai [Lenglet] është prapa pikës së penalltisë dhe është një goditje e cila, nëse nuk godet dorën e tij, do të përfundonte në portë”.

Ndryshe, Barcelona fitoi me rezultat 2:3 në ndeshjen e cila u karakterizua me plotë episodë të ndryshëm. /Lajmi.net/