Abdullahu: Pa Listën Serbe është e vështirë të kemi qeveri

Deputetët e legjislaturës së shtatë të Kuvendit të Kosovës do të mblidhen sot për të votuar qeverinë e koalicionit Lëvizja Vetëvendosje-Lidhja Demokratike e Kosovës, koalicion ky që u arrit pas katër muaj negociatash.

Analisti Faton Abdullahu, vlerësoi se vonesat e deritashme në krijimin e qeverisë janë të paarsyeshme.

“Sot qeveria do të krijohet. Është mirë që po krijohet qeveria, kjo qeveri do të ballafaqohet me problemi, problemet në Kosovë dhe atë që kanë të bëjnë me Serbinë”, tha ai sot në emisionin e mëngjesit “Mirëmëngjesi Kosovë”, në Radio Televizionin e Kosovës.

Për mos votimin nga Lista Serbe, analisti Faton Abdullahu, tha se ajo ka qëllim të faktorizohet.

“Pa Listën Serbe është vështirë të kemi qeveri, pasi që komunitetet janë kategori kushtetuese”, tha ai.

Abdullahu deklaroi se 2/3 e përfaqësuesve të komuniteteve pakicë duhet të votojnë.

“Kanë një taktikë përfaqësuesit e komunitetit serb, që të prolongojnë proceset. Deputetët e komunitetit serbë duhet të jenë pjesë e qeverisë së Kosovës”, tha ai.

Periskopi mbrëmë duke u thirrur në burime brenda LDK-së ka raportuar se Lista Serbe mund të prishë marrëveshjen për qeverisje me Albin Kurtin, dhe si rrjedhojë Qeveria të dështojë.

Sipas burimit, këto janë direktivat e reja nga Bogradi, i cili siç dihet vendosë edhe për ecurinë e çështjeve të brendshme të Kosovës, përmes Listës Serbe, e cila ka siguruar 95.5 pëqrind të votave të komunitetit serb në zgjedhjet e fundit parlamentare të mbajtura në Kosovë.