Connect with us

Kosovë

26 vjeçarja braktis foshnjën në QKUK, thotë se dëshiron ta falë atë

Publikuar

me

Një 26-vjeçare, banore e Tetovës së Maqedonisë Veriore, e ka braktisur foshnjën e saj në Qendrën Klinike Universitare të Kosovës. Ajo po pretendon se foshnjën e ka me një mashkull rreth 27 vjet më të madh se ajo, pra me një  54-vjecar. Foshnja sipas saj është e një lidhjeje jashtëmartesore. Foshnjën ajo në deklaratën e saj dhënë mjekëve thotë se po e braktisë me qëllimin qe t’ia falë dikujt.

Lajmin se kjo grua e ka braktisur foshnjën e ka konfirmuar për Express, drejtori i Klinikës së Gjinekologjisë, Jakup Ismaili.

Ai ka deklaruar se gruaja po thotë se nuk e do foshnjën. Mirëpo për këtë rast është njoftuar policia e Kosovës. Kjo e fundit në këto momente gjendet në Gjinekologjinë e QKUK ‘së duke e intervistuar gruan në fjalë.

‘Rasti është i dyshimtë. E kam njoftuar policinë dhe po merret me rastin. Bëhet fjalë për një grua me vit të lindjes 1993), tha Ismaili.

Ndërkohë gjendja shëndetësore e foshnjës është e mirë. Ajo gjendet pranë Klinikës së Neonatologjisë te rastet e kujdesit social.

Detaje për foshnjën ka dhënë drejtori i Klinikës së Neonatologjisë, Xhevdet Gojnovci.

‘Foshnja është në gjendje të mirë shëndetësore. Po trajtohet tek ne në repartin e e rasteve sociale’, ka deklaruar Gonjnovci.

Ndërkohë Express shpejtë do iu sjellë detaje të reja për këtë rast./

 

 

 

 

SHPËRNDAJE ME MIQ!
Advertisement

MË TË LEXUARAT

Portali Zyrtare u themelua nga një grup gazetarësh të rinjë në vitin 2018. Të motivuar nga nevoja për lajme të shpejta dhe të vërteta, në Maqedoni, ndër shqiptarë dhe për shqiptarët – Zyrtare nuk ishte veçse një kërkesë e kohës. Kontakt e-mail: portali.zyrtare@gmail.com Shared By Fancy Text Generator

WP2Social Auto Publish Powered By : XYZScripts.com