Connect with us

Lajme

​Partitë përgatiten për fushatën zgjedhore

Publikuar

më

Ende pa u shpallur zgjedhjet në Maqedoninë e Veriut, partitë filluan gjuetinë për vota.

VMRO-DPMNE njoftoi se nga e hëna karvani i partisë me moton “Ripërtëritja para shtëpisë suaj” do të nisë t’i vizitojë të gjitha vendbanimet, në të gjithë Maqedoninë.  “Zaev dhe LSDM janë fajtorë për humbjet, mashtrimet dhe krimin, më 12 prill do të japin llogari”, tha Sekretari i Përgjithshëm në VMRO-DPMNE, Igor Janushev.

“Ne do të shikohemi sy më sy, me qytetarët dhe do të themi se Maqedonia ka shans dhe shpresë, dhe se rindërtimi po vjen. Ne jemi këtu për qytetarët, të fitojmë së bashku, që kjo e keqe të mos përsëritet kurrë, Zoran Zaev kurrë më”, tha Igor Janushev.

Edhe LSDM-ja në fushatë. Sot në oborrin partiak organizoi një pazar humanitar. “Në frymën e solidaritetit dhe humanitetit, së bashku të ndërtojmë një shoqëri korrekte për të gjithë”, tha  Zoran Zaev duke u bërë thirrje të pranishmëve të dhurojnë fonde, për familjet e pastreha në shtëpinë e përkujdesit në Vizbeg.

“Vlerat e tilla sociale demokratike gjatë kësaj periudhe të festave, duhet ta hapin zemrën dhe të zgjasim dorën, dhe të ndihmohemi mes vete. Përmes blerjes së pijeve dhe produkteve dhe përmes donacioneve në kuti, ose blerjes së rekuizitave, ndihmojmë drejtpërdrejt bashkëqytetarët tanë, që me të vërtetë kanë nevojë për ndihmë”, pohoi Zoran Zaev, kryetar i LSDM-së.

Edhe BDI para disa ditëve e filloi fushatën nga Çairi. Zyrtarë të lartë të partisë inspektonin zgjerimin e Rrugës së pllastikave dhe në Çarshinë e Vjetër të Shkupit. Paralelisht me fushatat e partisë, gjithashtu po negociohet për koalicionet  parazgjedhore.

Aleanca për Shqiptarët ka njoftuar, se javën e ardhshme do të dihet me cilën parti do të koalicionojë. Shpresojnë se koalicioni do të jetë trepartiak, ku do të përfshihen BESA dhe Alternativa.

Duke folur për koalicionin e ardhshëm parazgjedhor të udhëhequr nga LSDM, Zaev thotë se ai tashmë ka filluar bisedimet me partitë, që ai tashmë i ka në koalicion, por edhe me partitë e tjera të opozitës nga blloku politik maqedonas dhe ai shqiptar.

“Unë drejtoj një parti demokratike dhe vendimet me këtë përmbajtje dhe që janë esenciale, i marrin organet e partisë. dhe unë nuk mund të them për çfarë jemi gati ose jo, por mund të them që jam i gatshëm të flas me të gjithë”, tha Zoran Zaev, Kryetar i LSDM-së.

BDI tashmë ka deklaruar se do të garojë vetë në zgjedhje.

VMRO-DPMNE paralajmëron, se janë në kontakt dhe bisedime me partitë e bllokut shqiptar të opozitës. Mickoski kohët e fundit tha se nuk sheh pengesë për koalicionin parazgjedhor, por edhe për mundësinë për të dalë vetë në zgjedhje./Alsat/

Lajme2 minutes ago

Bekim Sali viziton shkollën “Ismail Qemali” në Cërnilishtë, ndan dhurata për nxënësit

Maqedoni5 minutes ago

Jetë me kredi! Qytetarët po zhyten në borxhe, banesat dhe kreditë konsumatore në rritje

Lajme26 minutes ago

Ministri Besar Durmishi: Mbështetja e prodhimit vendor dhe krijimi i vendeve të reja të punës mbeten prioritet

Shqipëri27 minutes ago

Kategoria Superiore/ Skënderbeu thyen Egnatian, rrogozhinasit humbasin mundësinë për “arratisje” në renditje!

Maqedoni32 minutes ago

“Mësimdhënësi sulmoi fëmijët tanë” – prindërit denoncojnë sulm fizik ndaj dy nxënësve në Shkup

Lajme40 minutes ago

Agim Islami: 18 vite burg, 18 vite heshtje, 18 vite padrejtësi?!

Kosovë1 hour ago

Skandal në Spitalin e Prizrenit: Gjobitet me 3 mijë euro për certifikatat shëndetësore të lejeve të armëve, mungonin dosjet e kandidatëve

Bota1 hour ago

Arabia Saudite e para në botë për shërbimet qeveritare digjitale, përmbush objektivin e Vizionit 2030

Maqedoni2 hours ago

BDI: “Zëvendëskryetar” që nuk ekziston para Komisionerit të Lartë të OSBE-së: VLEN-i e poshtëron Komitetin kushtetues për marrëdhënie ndërmjet bashkësive etnike

Shqipëri2 hours ago

“S’e kam takuar kurrë personalisht Ballukun”- Binaj i përgjigjet Spiropalit: Ju dhe bashkëshorti keni kërcënuar Administratën Tatimore, shkak…

Lajme2 hours ago

BFI-ja konfirmon: Kemi marrë lejen për ndërtimin e objektit të ri pranë Kalasë së Shkupit

Lajme3 hours ago

Mendi Qyra: Pas dekadash, Llabunishti drejt zgjidhjes së problemit me ujë të pijshëm,

NA NDIQ NË FACEBOOK