Connect with us

Kulturë

Vdes aktori i mirënjohur Xhevdet Ferri (VIDEO)

Published

on

Aktori i njohur i Shqipërisë, Xhevdet Ferri, sot ka ndërruar jetë, transmeton Klan Kosova.

Karrierën  e tij e filloi kur ishte student, për publikun shqiptarë ai njihet më së shumti për rolet e tij në filmat  “Përrallë nga e kaluara”, “Treni niset në shtatë pa pesë”, “Hije që mbeten pas”, “Dasma e Sakos”, dhe shumë të tjerë.

Ferri nga viti 1995 deri në 1999 ai ka mbajtur postin e drejtorit të Qendrës Kombëtare të Kinematografisë. Rikthehet në këtë detyrë në vitin 2006. Në vitet 1999-2001, ai drejtoi Teatrin Kombëtar.

Xhevdet Ferri, lindi në Durrës, më 26 nëntor 1960. Pas vdekjes së tij reaguan liderët e Shqipërisë, presidenti i atjeshëm, Ilir Meta, tha se me hidhërim të thellë e ka marrë lajmin e vdekjes së aktorit.

“Si për të gjithë artdashësit dhe simpatizantët e Tij të shumtë, kjo humbje e parakohshme dhe e pazëvendësueshme më ka prekur thellë”, ka shkruar Meta.

Ndërsa kryeministri i Shqipërisë, Edi Rama,  në rrjetin social Facebook u shpreh  “Lamtumirë Xhodë. S’kam fjalë”.

NA NDIQ NË FACEBOOK