Solskjaer paralajmëron ndryshime: Romero po rrit presionin tek De Gea

Solskjaer ka dhënë komentet e tij mbi portierët e skuadrës, David de Gea dhe Sergio Romero, duke zbuluar se konkurrenca po shtohet.

Trajneri norvegjez ka zbuluar se argjentinasi po punon fort për pozitën e titullarit, dhe ka rritur shumë presionin mbi De Gea.

“Ata kishin shanse – Romero bëri disa pritje të mira. Sergio nuk na ka lënë kurrë poshtë, ai ka mbajtur kaq shumë herë portën e paprekur. Ai është person i shkëlqyer dhe shumë profesionist” ka thënë Solskjaer, transmeton lajmi.net.

“Ai po bën presion tek David de Gea dhe kjo është ajo që ne duam. Ne duam lojtarët më të mirë në botë këtu” ka shtuar trajneri.

Romero ka pasur mundësinë që mbrëmë të tregonte aftësitë e tij në ndeshjen e FA Cup, kundër Wolverhampton Wanderers, dhe një gjë të tillë duket se e ka bërë mjaft mirë. /Lajmi.net/