Qeveria rajonale kurde: Sulmi iranian nuk shkaktoi të vdekur

Qeveria Rajonale Kurde e Irakut tha se sulmi i Iranit me raketa në rajon nuk ka shkaktuar të vdekur, transmeton Anadolu Agency (AA).

Në një deklaratë me shkrim, Ministria e Brendshme e Qeverisë Rajonale Kurde iu referua sulmit me raketa nga Irani në drejtim të bazës së SHBA-së në Erbil në orët e natës, duke thënë se sulmi në fjalë nuk ka shkaktuar të vdekur dhe të plagosur dhe duke mos dhënë detaje të mëtejshme.

Sipas medias në rajonin kurd, një nga raketat ka rënë në rrethin Berderesh të Erbilit.