PDK: Konjufca të dorëhiqet – ka lidhje familjare me anëtarin e organizatës terroriste ‘Syri i Popullit’

PDK thotë se heshtja e Vetëvendosjes ndaj organizatës terroriste ‘Syri i Popullit’ është alarmante. Bedri Hamza thotë se partia që pretendon ta udhëheq shtetin, duhet të reagojë ndaj organizatës së krijuar për të vrarë kundërshtarët politik.

PDK ka kërkuar dorëheqjen e Glauk Konjufcës, për shkak të sic thotë ai, ‘lidhjeve të tij familjare me njërin prej anëtarëve të organizatës terroriste’.

“Nesër mbushen një javë kur është dënuar organizata terroriste Syri i Populit dhe anëtarët e saj dhe ende nuk kemi asnjë reagim të vetëm të Lëvizjes Vetëendosje për organizatën q ëkishte për qëllim kryesor vrasjen e kundërshtarëve politik. Për PDK-në është e papranueshme çasja e VV-së që pretendon të udhëheq shtetin dhe institucionet e vendit. Akoma më alarmante është mosdeklarimi i kryetarit të Kuvendit, zoti Glauk Konjufcës që është një nga ideologët politik të kësaj organizate.

Si bartës i një prej pozitave më të rëndësishme në shtetin e Kosovës ai ka detyrim moral e politik ta sqarojë implikimin e tij personal me këtë organizatë kur dihet se është i lidhur familjarisht me njërin prej anëtarëve të kësaj organizate terroriste, Sadri Ramabaja.  Kjo fushatë sistematike, me gjuajtje me gurë, gaz e molotov, kulmoi me organiztën terroriste që kishte përgatitur plan për sulme terroriste të kundërshtarëve. 20 vjet pas luftës, Kosova nuk meriton të ketë në krye të institucioneve kryesore demokratike, një politikan që ka lidhje me Syrin e Popullit. Tani që aktakuza është konfirmuar është e domosdoshme që Lëvizja Vetëvendosje. Kryeparlamentari, zoti Glauk Konjufca të jap dorëheqje që ta ruajë karakterin demokratik të institucioneve të Kosovës”, ka thënë Hamza./PERISKOPI/