Në Peru fiton zgjedhjet sekti fanatik religjioz: Burrat me mjekra të gjata, gratë me shami

Në një vend që krenohet me folklorin e shumëngjyrshëm, Los Israelitas – një sekt religjioz anëtarët e të cilëve vishen me tesha biblike – konsideroheshin deri vonë si veç një tjetër ngjyrë në kulturën e Perusë. Por, gjërat ndryshuan.

Ky sekt religjioz u bë parti politike dhe arriti një fitore të papritur në zgjedhjet parlamentare gjatë ditës së diele.

Partia politike e Israelites të Paktit të Ri Universal fitoi numrin e dytë më të madhe të votave, 8,9 për qind, duke u bërë blloku më i madh i deputetëve në kongresin e fragmentuar të Peru-së – dhe duke shkaktuar shqetësime me pikëpamjet fondamentaliste fetare, shkruan The Guardian, përkthen Periskopi.

Fronti Agrikulturor i Popullit të Perusë, i njohur edhe me akronimin Frepap, më parë shihej thjesht si një grup ekscentrik i fanatikëve religjioz pa të ardhme në politikën peruane. Por, në zgjedhjet e së dieles, ata arritën të dilnin mbi partitë tradicionale të këtij vendi.

Në kontrast të plotë nga aktivistët e tjerë politikë, Israelites vishen si izraelitët e lashtë: burrat kanë mjekra të gjata dhe flokë të gjata ndërsa gratë veshin mantele dhe shami. /Periskopi