Kryetari Konjufca thërret për të hënën mbledhjen e Kryesisë së Kuvendit

Kryetari i Kuvendit të Republikës së Kosovës, Glauk Konjufca, ka thirrur për të hënën, më 20 janar, mbledhjen e parë të Kryesisë së Kuvendit të Republikës së Kosovës, shkruan Periskopi.

Në rend të ditës do të jenë tri pika;

1. Shqyrtimi i kërkesës për caktimin e delegacionit të Kuvendit të Republikës së Kosovës për përfaqësim në Asamblenë Parlamentare të Procesit të Bashkëpunimit të Evropës Juglindore-SEECP,
2. Shqyrtimi i kërkesës për caktimin e delegacionit të Kuvendit të Republikës së Kosovës për përfaqësim në Asamblenë Parlamentare të Këshillit të Evropës,
3. Shqyrtimi i propozimeve dhe i kërkesave.

Ndryshe pozita e Konjufcës si kryetari i Kuvendit është diskutuar mes LDK’së dhe VV’së si pozitë kyçe për arritjen e marrëveshjes për bashkëqeverisje./Periskopi/