Dëbimi i dy iranianëve nga Shqipëria, reagon Departamenti Amerikan i Shtetit

Zëdhënësja e Departamentit Amerikan të Shtetit, Morgan Ortagus ka përshëndetur dhe lavdëruar vendimin e qeverisë shqiptare për të dëbuar nga vendi dy diplomatët iranianë.

Të mërkurën qeveria shqiptare njoftoi për dëbimin e dy zyrtarëve iranianë, shtetasit Seyed Ahmed Hosseini Alast dhe Mohamed Peimanemati, njofton Klan Kosova.

Zëri i Amerikës raportoi se këta dy diplomatë kishin qenë bashkëpunëtorë të gjeneralit të vrarë iranian Qassem Suleimani.

”Ne e lavdërojmë vendimin e qeverisë së # Shqipërisë për të dëbuar dy diplomatët e ashtuquajtur #Iran. Regjimi iranian vazhdon të përdorë objektet e tij diplomatike në Evropë dhe gjetkë si mbulesë për të komplotuar sulme terroriste, si dhe për të kërcënuar dhe spiunuar iranianët që jetojnë jashtë” – shkruan Ortagus.

We commend the government of #Albania’s decision to expel two of #Iran’s so-called diplomats. The Iranian regime continues to use its diplomatic facilities in Europe and elsewhere as cover to plot terrorist attacks, as well as to threaten and spy on Iranians living abroad.

— Morgan Ortagus (@statedeptspox) January 16, 2020