Arkitekti i njohur: Nuk duhet lejuar betonizimi dhe fekalizimi i Badovcit nga oligarkët barbar

Arkitekti i njohur kosovar Ernest Ferizi, ka reaguar pas lajmit se po planifikohen ndërtime afër liqenit të Badovcit.

Përmes një reagimi në Facebook, Ferizi ka thënë se nuk duhet të lejohet betonizimi dhe fekalizimi i Badovcit nga oligarkët barbar.

Arkitekti i njohur ka thënë se një ndër krimet më të mëdha që i bëhet një qytetërimi është ‘Krimi Urban’, përcjell Perisikopi.

Reagimi i plotë i arkitektit Ernest Ferizi

Një ndër krimet më të mëdha që mund ti ja besh qytetërimit është KRIMI URBAN.

Gjenocidi urban është i pafalshëm për shumë e shumë vite ndoshta edhe shekuj, që nuk tjetërsohet. Nuk është një këngë dashurie apo patriotike që mund ta ri dëgjosh sa herë ta dojë shpirti.

Vetëdijesimi qytetar i iniciativës për mbrojtjen e Badovcit është shumë i qëlluar, por fatkeqësisht i vonuar për qytetin e Prishtinës.

Duke u nisur nga ndërtimet e egra te pasluftës, planifikimi sipas interesave klanore, i mangët dhe joprofesional i te ashtuquajturve “ eksperta urban “ te lagjeve te Prishtinës dhe zhvillimit te qytetit ne përgjithësi , sollën deri te objektet e shëmtuara, betonizimi i hapësirave te gjelbëra, mungesa e hapësirave për fëmijë, mungesa e parkingjeve, rrugët e ngushta publike ( Shih Mati 1, e tmerrshme deri ne pafundësi ).

Tashmë Prishtina është shndërruar në një qytet APOKALIPTIK, të dërmuar fare, që nuk do të këndellet deri sa të ekzistojë njerëzimi.

Çka ti themi fëmijëve tanë : Kush mutin jemi ne ?,

çfarë trashëgime kulturore po i lëmë fëmijëve tanë,

çka kemi bërë të hairit për këto 20 vite, bash HIQ ASGJË… Bre zoti na marroftë.

Prandaj , nuk duhet lejuar, as një m2 te ndërtohet te liqeni i Badovcit .

Nuk duhet lejuar betonizimi dhe fekalizimi i ujit tone te pijshëm nga oligarkët barbar, sepse për sa kohë që ka barbarë në këtë vend, populli i civilizuar do të bie gjithmonë pre e tyre.