Ylli i Man Utd zgjon interesimin e Barcelonës

Angel Gomes, një nga talentët më premtues në ‘Old Trafford’, ka zgjuar interesimin e kampionëve të La Liga.

Gomes ka konsideruar një largim nga Manchester United, kurse Barcelona thuhet të jetë skuadra që vëzhgon situatën e tij.

‘Manchester Evening News’ bën të ditur se lojtari kërkon një aventurë të re, me kontratën e tij tek United që po i afrohet fundit, transmeton lajmi.net.

Gomes është vetëm 19 vjeçar dhe është parë si një nga potencialet më të mëdha në kampin e United.

Mbetet të shihet nëse Barcelona do të arrijë të kompletojë transferimin e tij. /Lajmi.net/