“U rrahën në mes të natës për një djalë”, Kejvina Kthella flet për sherrin e bujshëm: Secila në hesapin e saj

Ish-velina e “Xing me Ermalin”, Kejvina Kthella ka qenë së fundmi një prej emrave  më të  përfolur të medias rozë,  për shkak  të sherrit  të bujshëm me Françeska  Jaçen për një çantë, dhe për një tjetër sherr me dy vazjat Alesia Bamin dhe  Einxhëll Shkirën për një djalë.

Teksa ka qenë e ftuar mbrëmjen e djeshme  në  emisionin ‘E Diell’ në Top Channel, Kejvina ka folur edhe për sherrin e përfolur tej mase në media, me Françeskën.

Sipas saj fakti që sherri i tyre u bë kaq i bujshëm, është për shkak  se vajzat në fjalë  janë pjesë e personazheve publike.

 “Nuk jam e vetmja! Të gjithë kemi miqësi që kanë mbaruar. Thjesht më është bërë shumë e famshme kjo gjë meqë gocat që unë jam shoqëruar kanë qenë të gjitha goca televizioni”.

E pyetur në studio sesi janë raportet sot me vajzat, ajo është shprehur: Kemi menduar që secila të rrijë ne hesapin e saj.