Tërmeti i 26 nëntorit, sot seanca gjyqësore në Durrës

Gjykata e Durrësit do të zhvillojë sot në orën 11:00 seancën për t’u komunikuar masën e sigurisë personave të arrestuar në lidhje me hetimet pas tërmetit të datës 26 nëntor.

Policia e Durrësit arrestoi tre ditë me parë nëntë persona dhe shpalli në kërkim tetë të tjerë si të përfshirë në procesin e dhënies së lejeve të ndërtimit në këtë qark duke anashkaluar të gjitha standardet.

Në lidhje me këtë nismë, Partia Demokratike reagoi duke i cilësuar të arrestuarit si “peshqit e vegjël” në gjithë këtë proces, ku mungoi emri i ish-kryebashkiakut të Durrësit, Vangjush Dako./ A2 CNN