NATO-ja shënon 70 vjetorin mes mosmarrëveshjeve të thella mes anëtarëve

Drejtuesit e Nato-s do të takohen në periferi të Londrës për bisedime zyrtare të mërkurën për të shënuar kësisoj 70 vjetorin e aleancës ushtarake.

Samiti dy-ditor deri më tani duket se ka shpërfaqur tensionet midis aleatëve. Presidenti i ShBA-ve,

Donald Trump dhe Presidenti francez Emmanuel Macron, u takuan për bisedime në një konferencë shtypi ku sqaruan rolin e NATO-s, Turqisë dhe luftëtarëve të grupit terrorist ISIS.

Përderisa, kryeministri i Mbretërisë së Bashkuar Boris Johnson, që është edhe nikoqir i këtij samiti, pritet të kujtojë udhëheqësit e NATO-s se angazhimi i tyre për të mbrojtur njëri-tjetrin është në zemër të aleancës dhe mbron “gati një miliardë njerëz” në një parim “një për të gjithë, të gjithë për një”, shkruan BBC, përkthen Periskopi.

Megjithëse e ardhmja e bllokut 29-anëtarësh nuk është në dyshim, mosmarrëveshje të shumta janë hapur mes vendeve kryesore.

Në veçanti, vendet aleate nuk janë pajtuar për intervenimin e Turqisë në Sirinë veriore kundër luftëtarëve kurdë, për nivelet relative të shpenzimeve ushtarake nga anëtarët dhe së fundi plasën edhe komentet kontroverse të presidentit Macron që e quajti aleancën “të vdekur nga truri”. /Periskopi