Isa Mustafa pas mbledhjes së Këshillit të Përgjithshëm: Jo veç presidenti, të gjitha pozitat shtetërore në diskutim me VV-në

Kryetari i LDK-së, Isë Mustafa, ka folur pas mbledhjes së gjatë të Këshillit të Përgjithshëm të partisë së tij ku u diskutua për marrëveshjen eventuale me LDK-në.

Mustafa tha se Këshilli i Përjigthshëm i LDK-së ka kërkuar që pjesë e marrëveshjes me VV-në të jenë të gjitha pozitat shtetërore, në mënyrë që koalicioni të vazhdojë për katër vjet, edhe kur të vijë koha e zgjedhjes së presidentit të ri.

“Ne kishim mbledhjen e KP-së në të cilin informova anëtarët e deputetët e zgjedhur, kryetarët e komunave, me ecurinë e bisedimeve që kemi pasur deri më tani me VV’në për koalicionin e mundshëm qeverisës. Mund t’iu them që LDK mbetet e përkushtuar të vazhdojmë përpjekjet që të arrijmë një koalicion për bashkëqeverisje me Lëvizjen Vetëvendosje”. – tha z.Mustafa.

“Ky koalicion nuk duhet të shikohet si koalicion i rivalëve politik, por si koalicion i partneriteti i destinuar për ndryshime ne qeverisjen me të mirë të vendit”.

“Këshilli ishte i bindur që LDK duhet të vlerësohet karshi përkrahjes që ka marrë nga qytetarët ne zgjedhjet e 6 tetorit, qoftë në ndarjen e përgjegjësive me VV”në, qoftë edhe në programin qeverisës që është harmonizuar”.

“Ne do të vazhdojmë t’i përgjigjemi ftesës së VV’së për takimet e ardhshme. Vlerësojmë se nëse do të ketë vullnet politik, besim, çështja e marrëveshjes duhet të arrihet”.

“ Nga Këshilli i Përgjithshëm janë të pajtimit se pjesë e marrëveshjes duhet të jenë të gjitha pozitat, me të cilat do të sfidohet ky koalicion qeverisës gjatë katër viteve. Dhe trajtimi i këtyre pozitive të jetë në pajtim me koalicionin tonë që të zgjatë katër vjet, dhe jo që do të sfidohet “, ka përfunduar Mustafa./Periskopi