I dërguari i Merkelit – VV’së e LDK’së: S’keni nevojë të krijoni lidhje dashurie, veç bëjeni Qeverinë (Video)

Deputeti gjerman Chrisian Schmidt ka thënë se kjo është javë vendimtare për formimin e Qeverisë së ardhshme në Kosovë.

Ai ka thënë se janë në Kosovë me kolegun e tij, deputetin Petet Beyer, për t’u informuar lidhur me zhvillimet e fundit dhe për to, do ta njoftojnë edhe Kancelaren Merkel.

“Sa i përket bisedimeve për formimin e qeverisë, unë kam udhëhequr katër palë bisedime në formimin e qeverisë në Gjermani, në këtë rast nuk është e thënë të krijohet një martesë dashurie. Për ta ilustruar këtë që thash, një nga presidentët federal të Gjermanisë, një nga pyetjet që i është bërë atij, ka thënë se ‘se e do gruan e tij’, prandaj dua të them se nuk është kjo të krijohen lidhje dashurie. Ajo që ka rëndësi është që të ketë besim mes palëve dhe kjo është serioze. Megjithatë, do të kisha pasur një rekomandim, marrë parasysh edhe përvojën time që përmenda, ekziston një rregull e artë, që juve si gazetarë mund t’iu dëshpërojë por duhet ta them: nëse bisedimet për koalicione janë në vazhdim e sipër, rregulla është mikrofoni, e jo telefoni”, ka thënë Schmidt, përcjell Periskopi.

“Ne me ata që kemi biseduar, jemi të njëjtit mendim që për një vend që sapo ka dalur nga zgjedhjet parlamentare, është e rëndësishme të ketë një qeveri stabile dhe të mos ketë lojëra taktike”, ka thënë ai.

“Koha që kemi zgjedhur për ta vizituar Kosovën mendojmë se është shumë e rëndësishme.  Ne pas zgjedhjeve parlamentare që u mbajtën në Kosovë mendojmë që kjo është javë vendimtare për vendin tuaj sepse periudha që po nisim tani është e rëndëishme edhe për formimin e Qeverisë. Për ne është jashtëzakonisht në interes tonin, të bëjmë të qartë që për ne, zhvillimi në Kosovë është me rëndësi të madhe dhe mendojmë se perspektiva e Kosovës në integrimin evropian është gjithashtu me rëndësi.  Unë vij nga partia që është pjesë e Partive Popullore Evropiane dhe edhe nga ky aspect ka qenë një vizitë në interes që të zhvillohet në Kosovë. Donald Tusk më ka lutur mua që të vij në Kosovë të informohem rreth zhvillimeve aktuale dhe kemi ardhë bashkë me kolegun tim, Beyer dhe pas kësaj vizite duhet ta informojmë edhe Kancelaren Merkel. Ne nuk jemi këtu për t’i shikuar bisedimet rreth koalicionit. Por ne kemi zhvilluar sot takim me partnerët tanë, që janë pjesë e Partive Evropiane, kemi pasur takim me zotin Isa Mustafa dhe zonjën Vjosa Osmani. E njëjta gjë vlen edhe për zotin Albin Kurti, që nuk e kemi takuar për herë të parë këtu në Kosovë”, ka thënë ai, përcjell Periskopi.