Drejtori Shabani vizitoi shkollën për fëmijë me shikim të dëmtuar ,,Dimitar Vllahov” dhe shkollën e veçantë ,,IDNINA”

Drejtori i NP ,,Higjiena Komunale” – Shkup, Abdusamed Shabani i shoqëruar nga ekipi udhëheqës i Ndërmarrjes dhe kryetarja e Këshillit Drejtues, Maja Shajnovska Andova, kaloi një ditë në shoqërim me nxënësit nga Shkolla shtetërore për fëmijë dhe të rinj me shikim të dëmtuar ,,Dimitar Vllahov” dhe Shkollën fillore të veçantë ,,Idnina”.

,,Disa fëmijë kanë më shumë ndërsa disa shumë më pak mundësi se të tjerët, prandaj përpiqem që të mos i harroj kurrë ata për të cilët vëmendja dhe kujdesi është më së shumti i nevojshëm. Këtyre të rinjve të mrekullueshëm nga zemra u dëshiroj shëndet të mirë, shumë gëzim dhe lumturi në vitin e ri.” – tha Drejtori i NP ,,Higjiena Komunale” – Shkup, Abdusamed Shabani.