Dhuna mes bandave të drogës/ Ja 4 shqiptarët e vrarë në dy javë në Angli

Dhuna mes bandave të drogës, që ka përfshirë Anglinë kohët e fundit, ka sjellë katër shqiptarë të vrarë brenda dy javësh.

Kështu shkruan gazeta britanike Express.

Vrasja më e bujshme ishte ajo e 36-vjeçarit Flamur Beqiri, që u ekzekutua në pragun e shtëpisë së tij në një lagje luksoze në Londër.

Policia dyshon se krimi ka lidhje me botën e nëndheshme të trafikut të drogës. Beqiri ka qenë dikur një nga njerëzit më të shumëkërkuar në Suedi.

Katër ditë para vrasjes së tij u gjet i vdekur nga plagë thike shqiptari Shkëlqim Paja, 31 vjeç.

Policia e ka lidhur vrasjen e tij me atë të një tjetër shqiptari, që u gjet i vdekur sërish nga plagët e thikës në veri të Londrës një ditë më parë. Ai është identifikuar si 30-vjeçari Arbër Fresko.

Për këto dy vrasje janë arrestuar shqiptari Besnik Berisha, 42 vjeç dhe Kaziku Tuwisana, 31 vjeç.

Një javë më herët humbi jetën një tjetër shqiptar. Asqeri Spaho, 25 vjeç, u ther me thikë në gjoks gjatë një përleshje, që policia dyshon se ka sërish lidhje me drogën.

Qeveria britanike është angazhuar për të luftuar dhunën në rrugë, e cila po del jashtë kontrollit. Sidomos therjet me thikë janë kthyer në shqetësimin numër 1./syri.net/