ZYRTARE: Ibrahimovic befason të gjithë me lëvizjen e radhës

38-vjeçari u largua nga LA Galaxy në fillim të këtij muaji pas dy vitesh të suksesshme në MLS, ku shënoi 53 gola në 58 paraqitje.

Tani, pasi menaxheri i Tottenham Jose Mourinho hodhi poshtë thashethemet që lidhin suedezin me një rikthim në Premierligë, Ibrahimoviç i është bashkuar Hammarby në një pozicion pronësie, duke thënë se ai mendon se lëvizja është edhe ‘argëtuese dhe emocionuese’, përcjell lajmi.net.

”Hammarby është një klub fantastik me tifozë të pasionuar dhe ka respekt të madh si në Stokholm ashtu edhe në Suedi”, shtoi ai.

”Mua gjithmonë më ka pëlqyer klubi dhe tifozët, pasi jam impresionuar me atë që ka bërë klubi vitet e fundit, si brenda dhe jashtë fushës”.

”Të jesh në gjendje të bashkohesh dhe të zhvillosh Hammarby është edhe argëtues dhe emocionues”, u shpreh sulmuesi shtatëlartë.

Hyrja në bordin e klubit është disi befasuese duke pasur parasysh lidhjen e mëparshme të Ibrahimovic me rivalët e Hammarby, Malmo nga edicioni 1999/2001 – klubi i tij i parë profesional. /Lajmi.net/