Tërmet edhe në Kosovë

Pas tërmetit që lëkundi sot një pjesë të territorit të Shqipërisë, dridhje të tokës janë raportuar edhe në Kosovë.

Komuna e Dragashit është goditur sot nga tërmeti.

Tërmeti raportohet të ketë ndodhur rreth orës 07:00 të mëngjesit, derisa ishte me magnitudë 3.1.

Lëkundje të forta nga tërmeti ka pasur dhe në Shqipëri. Tërmeti me epiqendër qytetin e Korçës kishte magnitudë 5.2.

Lëkundjet u ndien edhe në disa qytete të tjera por edhe në Maqedoninë e Veriut dhe në Greqi.

Banorët thonë se lëkundjet kanë shkaktuar çarje të mureve dhe rënie të suvave.