Isa Mustafa me telegram ngushëllimi për vdekjen për Zeqë Shehut

Kryetari i LDK-së, Isa Mustafa, i dërgon telegram ngushëllimi familjes Shehu, me rastin e vdekjes së veprimtarit shumëvjeçar dhe aktivistit të dalluar të LDK-së, Zeqë Shehu, transmeton Klan Kosova.

Në këtë telegram shkruhet se Shehu ishte në radhët e aktivistëve të LDK-së do të mbahet përherë në mend, si veprimtari i çështjes kombëtare në ditët e vështira të popullit dhe vendit tonë.

Ja telegrami i plotë:

“E nderuara familje Shehu,

Me pikëllim të thellë morëm lajmin për vdekjen e familjarit tuaj, dhe veprimtarit të LDK-së, Zeqë Shehu.

Me këtë rast në emër të LDK-së ju shprehë ngushëllime të sinqerta.

Zeqë Shehu në radhët e aktivistëve të LDK-së do të mbahet përherë në mend, si veprimtari i çështjes kombëtare në ditët e vështira të popullit dhe vendit tonë.

Si LDK, ne do të jemi përherë mirënjohës për kontributin e Zeqë Shehut.

Ngushëllime të gjithë familjarëve, miqve dhe kolegëve.”