Ukrainasja këndon shqip në “The Voice of Greece”

Kënga e njohur arbëreshe “Lule, lule” është kënduar në spektaklin “The Voice of Greece”.

Këngën “Lule, lule”, e ka kënduar një vajzë nga Ukraina, e cila edhe pse nuk dinte shqip, ajo ja doli shumë mirë të fitonte zemrat e anëtarëve të jurisë duke bërë që të gjithë të kthenin karrigen për të.

Vajza nga Ukraina, tha se kjo këngë ishte mjaft e veçantë për të dhe shtoi se e kishte kënduar me zemër, por pa dhënë detaje më shumë për lidhjen që kishte ajo me këtë këngë.

Juria mbeti e habitur kur mësoi se kënga ishte në gjuhën shqipe, ndërsa më pas i kërkuan që të këndonte edhe një këngë greqisht, të cilën ajo e këndoi shumë mirë.