Telashe tek Real Madrid, lëndohet edhe një lojtar

Telashet sikur nuk duan t’i ndahen skuadrës së Real Madrid, pasi së fundmi listës së lojtarëve të dëmtuar i është shtuar edhe një emër.

Toni Kroos është lojtari që është dëmtuar dhe u detyrua të linte fushën e blertë më herët sesa Zidane kishte planifikuar, duke i dhënë trajnerit kokëçarje të reja, përcjell lajmi.net.

Zidane ka parë 13 lojtarë tek lëndohen gjatë këtij fillim sezoni, dhe Kroos është i fundit që i bashkohet kësaj liste.

Mesfushori gjerman luajti për vetëm 33 minuta gjatë ndeshjes me Granada, para se të pësonte lëndimin.

Lojtari rrezikon që të humb edhe grumbullimin me kombëtaren e Gjermanisë. /Lajmi.net/