Simeone synon titullin në La Liga, ka një thirrje për lojtarët dhe bordin: Duhet të jemi si kuajt

Simeone synon titullin e kampionit të La Liga, dhe për këtë ai e di se ka shumë punë, madje edhe jashtë fushës së blertë.

“Ne duhet të jemi të bashkuar gjithmonë. Ne jemi një skuadër e re, me lojtarë të rinj” ka thënë Simeone pas fitores ndaj Bilbao, transmeton lajmi.net.

“E dimë synimin tonë dhe kemi nevojë për tifozët, bordin drejtues, lojtarët, trajnerët që të jemi sikur kuajt, të shohim përpara” ka shtuar trajneri.

Atletico Madrid ka barazuar pikët me liderët e Barcelonës, por këta të fundit kanë një ndeshje më pak të luajtur. Rruga për titullin e kampionit do të jetë e gjatë. /Lajmi.net/