Shkëndija me goditje të re në mesfushë!

Shkëndija ka siguruar përforcimin e parë për afatin kalimtar të dimrit, pasi që tashti është firmosur kontrata me mbrojtësin kosovar, Ardin Dallku.

Kuqezinjtë me kënaqësi konfirmojnë gjetjen e akordit të bashkëpunimit me mbrojtësin kosovar, Ardin Dallku. Në fakt, është një lëvizje që do të hyjë në fuqi, në mënyrë juridike në janar të vitit të ardhshëm kur futbollisti 24- vjeçar do të marrë të drejtën për lojë.

“Jam i lumtur që në të ardhmen do të luajë për një klub si Shkëndija. Gjatë kohë isha pjesë e kampionatit ukrainas dhe jam shumë i motivuar për këtë eksperiencë të re. E dij se Shkëndija ka ambicie të mëdha, unë gjithashtu dhe premtoj të jap gjithçka nga vetja për të ndihmuar ekipin të realizojë objektivat”, shprehet Ardin Dallku.

Ardin Dallku vjen nga Kampionati ukrainas ku u paraqit vite me radhë me ekipin Vorskla Poltava. 24- vjeçari luajti me shpresat e Prishtinës para se në vitin 2012 të transferohej në Ukrainë, fillimisht tek ekipi i të rrinjve. Deri në vitin 2016 luante me juniorët, para se të kalonte në ekipin e parë kur në tre vjet regjistroi 60 paraqitje dhe shënoi 2 gola. Vendimin e Ardin Dallkut për të mos vazhduar me Vorsklanin e shfrytëzon Shkëndija që e afron kosovarin në skuadër.

Dallku tashmë është bashkuar me kuqezinjtë në seancat stërvitore, madje duke lënë pas vetes 45 minutat e para me fanellën e Shkëndijës në miqësoren me Dritën e Gjilanit (29 shtator) ku luajti në pjesën e dytë dhe shënoi golin e fundit në fitoren 4:0. Ai do të punojë gjithë kohën me grupin nën urdhërat e trajnerit Ernest Gjoka, për ta pritur i akomoduar dhe sa më i përgatitur gjysmëstinorin pranveror kur do të marrë të drejtën pë lojë.