Ngjarja e tmershme me 39 të vdekur brenda kamioni, zbulohet detaji tronditës, shoferi kishte 10 muaj që …

Një gjykatë në Britaninë e Madhe la në paraburgim shoferin e kamionit të ferrit, ku vdiqën 39 persona nga Azia, teksa po i kontrabandonte për në Britani. Ngjarja horror tronditi Britaninë dhe mbarë botën, teksa viktimat u gjetën të ngrirë brenda kamionit frigoriferik.

Prokurorët akuzuan Maurice Robinson, 25 vjeçar nga Irlanda e Veriut, i njohur si Mo – si pjesë e një “rrethi global” që komplotoi për migracionin e paligjshëm në një shkallë masive. Tetë gra dhe 31 burra u gjetën të mërkurën në një enë frigoriferike që hynë në Britani nga Irlanda pasi u transportuan me traget nga Belgjika.

Robinson dha vetëm emrin dhe mbiemrin dhe nuk bëri asnjë deklaratë në paraqitjen e shkurtër gjatë një lidhje me video në një gjykatë në qytetin juglindor anglez të Chelmsford.

“Ky do të jetë një hetim i gjatë dhe i përpiktë … që mund të shtrihet në të gjithë botën,” tha ministri i Brendshëm Priti Patel.

“Nacionalitetet e viktimave, në këtë fazë, ende nuk janë konfirmuar,” shtoi ajo.
Autoritetet e Mbretërisë së Bashkuar arrestuan një burrë tjetër të kërkuar. Tre të tjerët të arrestuar më herët janë liruar me kusht.

25-vjeçari nga Irlanda e Veriut, gruaja e të cilit është në pritje të një fëmijë, nuk shfaqi emocione teksa prokurori i lexoi akuzat. I riu kishte 10 muaj që merrej me trafikun ndërkombëtar të qenieve njerëzore.