Ja si mund të transferohet Sancho te Man Utd

‘Djajtë e Kuq’ zgjodhën të mos bënin asnjë veprim për anglezin këtë verë pasi përqendruan vëmendjen e tyre në sigurimin e Aaron Wan-Bissaka dhe Harry Maguire në mbrojtje, ndërsa Daniel James arriti nga Swansea City.

Ndërsa të tre nënshkrimet kanë shijuar fillime mbresëlënëse për karrierën e tyre në ‘Old Trafford’, Ole Gunnar Solskjaer është i prirur të sjellë një sulmues në dritaren e transferimit të dimrit, përcjell lajmi.net.

Siç raportohet nga Goal, Mario Mandzukic i Juventus mund të bashkohet për 10 milionë euro, ndërsa playmakeri i Tottenham Christian Eriksen është një tjetër objektiv në shqyrtim pasi norvegjezi gjithashtu shikon në përmirësimin e fazave të tjera të ekipit të tij.

Dhe klubi tashmë po bën plane edhe për verën e ardhshme, me Solskjaer që dëshiron të vazhdojë të ndjekë talentin e ri britanik.

Sancho, mbase talenti më i jashtëzakonshëm anglez për momentin, po kalon kohë të shkëlqyeshme te Borussia Dortmund pas lëvizjes së tij nga Manchester City, me katër gola në tetë paraqitje për klubin e tij deri më tani këtë sezon. /Lajmi.net/