Connect with us

Lajme

Erdogan: Bota të na mbështesë ose të fillojë të pranojë refugjatët nga Siria

Published

on

Komuniteti ndërkombëtar duhet mbështesë përpjekjet e vendit tonë ose të fillojë të pranojnë refugjatët nga Siria, deklaroi presidenti turk Recep Tayip Erdogan në një editorial të botuar në gazetën ”Wall Street Journal”, ku tregon edhe arsyet mbi ofensivën ushtarake kundër kurdëve në verilindje të Sirisë.

“Turqia po ndërhyn ku të tjerët nuk kanë arritur të veprojnë “, është titulli i zgjedhur nga Erdogan në shkrimin për gazetën amerikane. “Refugjatët sirianë, dhuna dhe paqëndrueshmëria na ka shtyrë deri në kufijtë e tolerancës sonë”, shkruan Erdogan, i cili kujton angazhimin e vendit të tij në pritjen e 3,6 milionë refugjatëve sirianë.

Ai thotë se Turqia ka shpenzuar 40 miliardë dollarë për t’u ofruar atyre arsim, kujdes shëndetësor dhe strehim.

Megjithatë, Erdogan insiston se “pa mbështetje financiare ndërkombëtare ne nuk mund të parandalojmë që refugjatët të shkojnë në Perëndim”.